How to make matches in GH..

If i be president i go think about job creation,because before then Ghana get factories both government and private ones..
President for create more jobs and import less, so me and my work ministers and foreign affairs ministers go sit down and plan how to stop buying Tin Tomatoes from Italy, by increasing tomatoe farming all year round and also talk on how to preserve tomatoes in Ghana. Sake of me and my boys be area boys, we know say plenty tomatoes dey spoil for market and farming communities..so either say we go read books on food preservation and teach the people or we go ask the Italian ambassador say make he help we make Tin tomatoes in our country..
If they refuse e no go “bu our aba mu”. we go do industrial espionage like how babylon dey do..Like how we get plenty Ghanaians working in italy, the Ghana embassy for rome go recuit some Ghanaians (spies) to go work in tin tomatoe factories then..
Them go copy everything and when the president give money, the spies go direct the ambassador on what machines to buy to come open tin tomatoes factory for here SIMPLE!!
Ah! I remember say Rawlings e wife,konadu self get some factory for Nsawam way dey do can things (A Cannery),so we go boost up that factory.
I propose say we for build another at ada junction side there and one for Agbakofe too..(i used to know a girl there)..
i hear say mamprusi king too say land dey plenty and his people are ready for work.but since i come office the thing wey dey make me sad be if i dey Ghetto or dey house way i see tordina de use matches..Ah! then something wan do me..so matches too we dey import am? But ber na Nkrumah leave us matches factory for kede…oh one of my ministers say the time Afrifa or Busia come they take the factory make school…Ah! like by this time e be we go dey sell to Tog o and Nigeria thems..

I come hear say na another factory dey for Tv Afica en side for Fan Milk there..Allah!!!! WE GO MAKE MATCHES FOR GHANA AGAIN..Tomorrow i go call my ministers for trade and industries, we go write letter to the commercial attache and ambassador for Malaysia embassy, Switzerland today make matches so 2 or 3 letters. ber they say they be our developing parters, we go text them see which be our friend…the letter go go

HELLO MR MALAYSIA AMBASASADOR

I hope you dey enjoy your mission in Ghana.we are glad to have you in ghana as a developing partner and I like the fact say trade dey increase between our two countries although we dey buy more from you than you dey buy our things it no dey matter…You know say every country want to create jobs for their people and we congratulate you on your economical achievement..We can learn a lot from you as 50 years ago you had nothing ,way now you develop like former Gold coast into Britin. We congratulate you. Now  we too want start make matches from here so make you help us. We want to grow the sticks for here,cut am for here and put the mud for the tip,and make also make the packet for here too.

We want make you show us where to buy the machines and make some of  your expects come train my people for a few months to run things..we be fast pass..You for try help us to show say true true you are a developing partner. By the way i hear say you dey fit take palm kennel make break pads? We get plenty Abe for here..you we go talk  more..Oh! Before i go , the land way i give you for Tarkwa and Akyem, I hear say you dey mine Gold well well well, ber that contract self we for renew am soon?

one hand dey wash another oh! Enjoy your mission in Ghana.

Your Hosts

PROF:KUJU NTZU KPONGG AGBAMEKPENTOR DZATA

SALASIE I NKRUMAH IDEOLOGICAL CHURCH